براء

توافق بس هي شافت أنه خلاص مبقاش فيه فايدة
هي هتحاول تفرقنا تاني وهتقولي كلام يوجع يا يامن لو بتحبني بلاش تحطني في الموقف ده 
براء أنا عملت عشانك حاجات كتير! وأنت مش هتقدميلي غير موافقتك بس مفيش حاجه بتيجي على الجاهز الأول أنا كنت بحارب لوحدي لكن دلوقتي أنت معايا
وفي تلك اللحظة تدخلت حنين وقالت
قالت حنين
أنت ليه انانيه كده! ليه مش بتفكري غير في نفسك مش شايفه غير الحاجه الۏحشة في الموضوع بس وهي أن مامته مش قبلاكي مشوفتيش أننا كلنا معاكي ولا عيلتك اللي بتحبك واللي نفسها تفرح بيكي ولا في يامن اللي مستعد ېموت عشانك ولا على البنت اللي حياتها متعلقة بيكي!
قال ياسر
نظرت له براء بدموع ثم أمسكت يده وقالت
يامن دلوقتي مش قلبي بس اللي بين أيديك دي حياتي كلها أوعى تخذلني ارجوك أنا مړعوپة مش خاېفه بس
يا حبيبتي أنا معاكي بلاش تخافي والله خلاص أحلى سنين عمرك اللي جايه علينا والله خليكي واثقة فيا
أبتسمت براء باطمئنان فقال المأذون 
ربنا يسعدكم ويهدي سركم 
عادت براء بجانب المأذون واستمرت المراسم حتى قال المأذون
بارك الله لكما وبارك عليكما وجمع بينكما في خير
وانطلقت الزغاريد من بيتهم مع بعض وذهبت حنين وعانقت براء بفرحة كبيرة قال المأذون لهما
ألف مبروك يا عريس قوم عروستك خلاص بقت حلالك
أنا مش قادر أصدق أن اليوم ده جه 
أحنا اتجوزنا خلاص! ضحك الإثنان بفرحة بعد دموعهم تلك وتعجب الناس بالخارج من أصوات ضحكاتهم تلك بعد دموعهم قال 
أنت بقي
احم أيه يا عرسان طيب الضيوف عايزين يباركوا
ضحك يامن وابتعد عن براء ودخل المعازيم وبدأوا في تهنأتهم وتمني الأفضل لهم وفي تلك الأثناء التقطت لهم حنين العديد من الصور كانت تنظر لهم بفرحة كبيرة قد تكون أكثر من فرحتها بنفسها وبعد ساعات ذهب المعازيم ودلفت حنين إلى غرفتها وانشغلت بهاتفها والتي قد قدمته لها براء هدية من فتره ظل يامن بجانب براء وقال
مش عايز أمشي واسيبك مش عايز أبعد
تاني 
خلاص هانت أول ما
تلاقي الشقق في القاهرة هننقل هناك ونعيش في بيت واحد 
مش عارف أستنى
خلاص هانت والله أنا هجهز حاجتي من دلوقتي برضو
لازم أمشي برضو هو أنت مش مراتي خلاص 
قالت براء بابتسامة
أيوه مراتك بس لسه البيت بتاعنا مجهزش الوقت بدأ يتأخر يلا عشان ترتاح 
طيب عموما أنا هسافر بكره ماشي 
ليه تاني
هشوف موضوع الشقة يا براء أنا مش هقدر أسيبك بعيدة عني فترة طويلة كده 
ماشي بس بالله عليك بلاش تعمل زي المره اللي فاتت وتقلقني عليك
لا والله متقلقيش لو عايزه تيجي معايا تعالي
لا هفضل هنا اظبط الدنيا 
طيب أنا همشي ها
طيب ربنا معاك
احم بقولك ماشي
نهضت براء من مكانها وقالت
طيب عايز إيه 
يعني أنت بقيتي مراتي وكده كلك نظر
نظرت له براء بخجل ورفعت إحدى حاجبيها ثم قبلته في وجنته بخفة وركضت بسرعه من أمامه تنهد يامن براحة وهيام وبعد لحظات خرج من البيت بعد أن ودع براء وجمال وفاطمة دلفت براء إلى غرفتها وبعد لحظات دلفت إليها فاطمة اتجهت
إليها بابتسامة وقالت
عاملة أيه يا عروسة
نظرت لها براء بابتسامة وقالت
ماما لحقتيني كنت لسه هنام 
حبيبتي أنا جيت أطمن عليك بس عارفه وقت ما قولتي مش موافقة قلبي وقع
أنا أسفه بس بجد اټصدمت لما عرفت أن يامن خبى عني موضوع والدته
حبيبتي هي هتقبلك بس واحده واحده مش كده أقنعيها بيكي وزي ما يامن حارب عشانك حاربي عشانه برضو 
حاضر يا ماما 
ثم خرجت من غرفتها وبعد لحظات نامت براء بفرحة كبيرة لم تشعر بها في حياتها
قط وفي اليوم التالي ذهب يامن إلى براء قبل أن يسافر وودعها وفي طريقة إلى القاهرة أتصل به صديقة السمسار وأخبره أنه قد إلى القاهرة ذهب إلى السمسار وقد أعجبته الشقتان كثيرا واشتراهم على الفور وترك لصديقة السمسار أمر تسجيل الشقق باسمه جهزت براء أغراضهم وأخبرت عائلتها بهذا القرار وكذلك حنين الذي عزمت على أن تأخذها معهم للقاهرة وبعد يومين جاء يامن وفي تلك الفترة كانت براء وعائلتها جهزوا كل شيء حتى ينتقلوا إلى القاهرة وجهز يامن الشقتان في وقت قصير جدا وأحضر اثاث جديد فقط جلس جمال بجانب يامن في السيارة وبراء وفاطمة وحنين التي تحمل أبنها على يدها بجانب فاطمة بالخلف وسرحت براء في ذكرياتها وقالت في نفسها والسيارة تتحرك
لما دخلت البلد دي كنت لوحدي تايهه مکسورة مليش حد ودلوقتي أنا بخرج منها بس مش زي ما دخلتها معايا عيلتي وحب حياتي ايام كتير مرت عليا كسرتني وتعبت فيها مكنتش عيني اللي پتبكي كان قلبي اللي بييكي مش عارفه قدري مخبيلي ايه تاني مش عارفه هيفضل مش راحمني كده ولا خلاص كنت صادق يا كريم وطلعت أد الوعد لما قولتلي  
مهما تقولي هفضل عند وعدي وأنتوا الاتنين هتتجمعوا في يوم بسببي!
مشغولة في أيه الفترة دي 
ولا حاجه يا حبيبتي عملت اللي أسمه فيس بوك ده لقيته عالم تاني من ساعتها وأنا تايهه فيه
ضحكت براء وقالت
إذا كان كده ماشي أنت مبسوطة يا حنين
كفاية أن أنت مبسوطة عايزاني مبقاش مبسوطة بقى ازاي 
أبتسمت براء وقالت
أنت أختي يا حنين من النهاردة مش هنتفرق تاني 
أبتسمت لها حنين بدموع وتحدثوا قليلا ثم تركتها ونامت بهدوء وبعد ساعات وصلوا إلى بيتهم الجديد دخل يامن مع براء إلى شقتهم وفاطمة مع جمال وحنين وابنها في الشقة الأخرى بعد أن رأوا الشقتان وقد أعجبوهم 
أنا مش مصدق أن جمعنا بيت واحد مش مصدق أنك قدامي دلوقتي 
هتفضل كل شوية مش مصدق ولا إيه
ضحكت براء فقال هو
أيوه هفضل مش مصدق خاېف يكون حلو حلم وافوق
قالت براء
أقولك سر عارف إني حلمت بيك كتير 
وأنا كمان 
أبتسم يامن وقال
من النهاردة حياتنا كلها أبتسمت براء بخجل وغرق الإثنان في عالمهم الخاص 
الخدوش المخبئه بقلوبهم سبحان من يؤلف بين القلوب وخلال تلك الفتره لم يتحدث يامن مع والدة ولو لمره واحده 
و في بداية الأسبوع الجديد استيقظ يامن علي رنين هاتفه ليجده حارس العقار في بيت والدته رد عليه بتساؤل 
الو 
الو يامن بيه 
عم متولي ايه الاخبار خير
الست عاليا والدة حضرتك تعبانه اوي و الاسعاف جت اخدتها من شوية 
انتفض يامن من مكانه وقال
أيه!!
الفصل الثاني والعشرون
انتفض يامن من مكانه وقال
إيه!! ليه حصل إيه
معرفش يا بيه والله هي راحت على المستشفى علطول 
هو جرالها إيه مش فاهم
أنت عارف يا بيه أنها بتحب تجري شوية كل يوم الصبح النهاردة وهي خارجه لقيتها تعبانة شوية قولت 
تمام تسلم يا عم متولي مستشفى إيه اللي راحتها
اللي قريبة من البيت هنا مش فاكر أسمها والله
خلاص عرفتها
في إيه مالك
أمي تعبانة جدا وفي المستشفى
أستنى أنا هاجي معاك 
لا خليكي أنت 
لا هاجي معاك أنا كمان عايزه أطمن عليها
نظر لها يامن للحظات ولم يتمكن من منعها بدلت براء ملابسها وتركت ملك مع فاطمه
وجمال وخرج الإثنان وذهبوا إلى المستشفى حتى يطمئنوا على عاليا وعندما وصلوا إليها ظلوا يبحثون عنها لدقائق حتى وجدوها بأحدى الغرف نائمه بتعب اتجه يامن و براء إلى الطبيب المسؤول من
حالتها و قال له 
الحمدالله ربنا سترها والدتك كانت داخله على أزمة قلبيه بس بستر ربنا لحقناها قبلها
طيب ممكن أدخل أطمن عليها
لا بأذن الله مش هيحصلها حاجه تاني متشكر جدا يا دكتور 
العفو 
دلف يامن ومعه براء إلى غرفة والدته ظلت براء واقفه عند باب الغرفة ودخل يامن و عندما شعرت به عاليا فتحت عيونها و نظرت له بحزن نظر يامن إلى والدته ولأول مره يراها بتلك الحالة وجهها الشاحب وعظام 
كده يا يامن أسبوعين متسألش عليا ولولا اللي جرالي ده ولا كنت هتسأل عني برضو 
انا ببقي عايز أكلمك واجيلك بس أنت اللي عامله حدود بينا من ساعة ما اتجوزت 
و كادت عاليا أن ترد و لكن في تلك اللحظة دخلت براء من عند باب الغرفة و عندما رأتها عاليا انتفضت من مكانها و قالت 
أنت ايه اللي جابك هنا! 
نظرت براء ليامن و قالت 
ممكن تسيبني معاها شوية بعد اذنك 
جايه عشان تشمتي فيا وأنا في الحالة دي مش كده 
أنا جيت عشان أطمن عليك مليش ذنب بشعورك اتجاهي بس أنا كان لازم أطمن عليك 
أنت السبب في شعوري ده أنت سړقتي أبني مني من زمان أوي 
أبتسمت براء بحزن وقالت
عشان بحبه عشان مش قادرة أشوف غيره أب لأولادي أنت من زمان مش عايزاني ولا حباني لمجرد بس اني اتربيت في ملجأ رفضاني لمجرد أن مليش عيله ولا أهل رفضاني عشان شايفه أني أقل منابنك 
أنت أذتيني نفسيا عارفه يعني إيه توصلي حد أنه يكره نفسه لمجرد أنه اتظلم أبويا ظلمني وأنا صغيره لأنه مكنش عايز بنت كان عايز ولد يشيل أسمه وأمي ظلمتني لما فكرت في نفسها وبس ولو كنت فضلت معاهم مكنتش هبقى كويسه نفسيا الخطوط اللي بمشي عليها في حياتي هي من تدبير وكرم ربنا في خلال السبع سنين دول رزقني بعيله تانيه أحسن من أهلي الحقيقين و بقيت ناجحة في شغلي جدا و للأسف مهما أعمل برضو مش هتشوفي مني غير براء البنت اليتيمة
طالعتها عاليا للحظات بصمت فقالت براء
لينا كلام كتير لسه بس لما تقومي بالسلامة عن أذنك 
قالتلك حاجه
مفيش حاجه يا يامن أنا كنت عايزه أطمن عليها بس 
طالعها يامن للحظات ثم قال
براء أنا أول مره أشوف أمي بالحالة دي أنا فعلا قصرت معاها بس ڠصب عني أنا عارف أنها مش هتقبلك عشان كده كنت بحاول نبعد عن أي مصدر يأذينا بس أنا مش هقدر أكون بعيد أكتر من كده أنا أمي محتاجاني مهما كان اللي حاصل بيني و بينها بس مينفعش اسيبها بالحالة دي 
صمتت براء وظل يامن يطالعها بتساؤل ينتظر ردها على كلامه حتى قالت
عارف أنت لو مكنتش قولت كده دلوقتي أنا كنت تخاف على نفسي
يعني إيه
أبتسمت براء وقالت
اللي ملهوش خير في مامته ملهوش خير في حد مهما كان إيه اللي حاصل بينكم 
أبتسم لها يامن وبعد أيام تحسنت عاليا وسمح لها الطبيب أن تخرج ولكن يامن صمم أن تبقى في بيته تلك الفترة حتى يهتم بها أكثر وسوف يترك لها حريه الاختيار فيما بعد رفضت هي في البداية ولكنها وافقت في نهاية الأمر لا تنكر أن لديها فضول لتعرف كيف تسير حياة أبنها بدونها وهي مثل أي أم تريد أن تطمئن عليه خرجت عاليا من المستشفى برفقة يامن وبراء وكانت تجلس في السيارة بصمت تام حتى وصلوا وبمجرد أن صعدوا لشقتهم حتى سمعوا صوت صياح عالي و فرحه من فاطمه و قد فزعت عاليا في البداية و ابتسم يامن وبراء اردفت فاطمه
ألف حمدالله علي السلامة يا عاليا يا حبيبتي مينفعش تكوني